गुजरातमधील पाटण जिल्ह्यातील जाखोत्रा गावात एका ५६ वर्षीय दलित व्यक्तीची हत्या करून त्याला महिलेचे कपडे घालून जिवंत जाळल्याची धक्कादायक घटना समोर आली आहे. या प्रकरणात २२ वर्षीय विवाहित महिला गीता अहिर आणि तिचा २१ वर्षीय प्रियकर भरत अहिर यांनी मिळून हा कट रचला होता. गीता आपल्या वैवाहिक आयुष्यातून सुटका मिळवण्यासाठी आणि प्रियकरासोबत पळून जाण्याच्या उद्देशाने स्वतःच्या मृत्यूचा बनाव करण्याचा प्रयत्न करत होती. त्यासाठी त्यांनी हारजी सोलंकी या दलित व्यक्तीची हत्या करून त्याचा मृतदेह गीता यांच्या कपड्यांमध्ये सजवून जाळला. पोलिसांनी या दोघांना पालनपूर रेल्वे स्टेशनवर अटक केली असून, त्यांनी गुन्ह्याची कबुली दिली आहे.
या घटनेमुळे समाजात खळबळ उडाली असून, प्रेमसंबंधातून घडलेल्या या क्रूर हत्येने सर्वत्र चिंता व्यक्त केली जात आहे.